Baldintzazko perpausek bi zati dituzte:
- baldintza adierazten duena.
- ondorioa, baldintza betez gero, gerta daitekeenaren berri ematen duena.
Baldintzazko perpausak
ez alegiazkoak eta alegiazkoak izan daitezke:
Noiz erabili behar da geroaldiko baldintza, eta noiz lehenaldikoa?
Orain-geroaldiko
baldintza erabiltzen da alegiazkoa den baldintza hori, gertatzekotan,
etorkizunean gertatuko bada. Alegiazko baldintza hori iraganean kokatzen bada,
berriz, lehenaldikoa da.
Adib.:
Xabierri
liburua galduko
balitzaio, libururik gabe geratuko litzateke.
Gaur, bihar edo
egunen batean "galduko balitzaio". Baldintza honek ondorioan -ke
hartuko du.
Adib.:
Xabierri
liburua galduØ
(izan) balitzaio, libururik gabe geratuko zatekeen.
Liburua
iraganean "galdu izan balitzaio". Baldintza honek ondorioan -ke
hartzen du, eta gero lehenaldia adierazten duen -n.
Oharra: -ke +
-n = -keen
